Ish-kryeministri, Isa Mustafa, ka ironizuar me vonesat për liberalizimin e vizave dhe deklarimet se ky proces duhet të kushtëzohet me negociatat me Serbinë, të ndërmjetësuara nga Bashkimi Evropian.
“Dialogu nuk kushtëzohet me liberalizimin e vizave, por dialogu kushtëzohet me ikjen e kësaj qeverie dhe, dialogu kushtëzohet me ndërprerjen e menjëhershme të fushatës së shtetit serb për tërheqjen e njohjeve të shtetit të Kosovës. Deri sa Serbia zhvillon fushatë të tillë, dialogu është i shantazhuar, prandaj BE duhet paraprakisht ta ndalë Serbinë nga kjo fushatë e ndyrë,” ka shkruar Mustafa në Facebook.
Ai ka kritikuar edhe qasjen e deputetëve të Kosovës karshi këtij procesi.
“Për liberalizimin, edhe zogjtë e maleve, siç thotë populli, e dinë se kush e pengoi. Ne duhet t’i lusim vendet e BE-së që ato të mos sillen ndaj këtij procesi ashtu si u sollën disa parti dhe disa deputet tanë,” ka shtuar Mustafa./arbresh.info/
O’Brien dhe Hovenier mbjellin pemë në nderim të ish-ambasado...
Kurti: Barazia gjinore, shtyllë thelbësore e të drejtave të ...
Tollovia në Merdare u kushton bizneseve
Jordan Johnson, MVP i javës së gjashtë në elitën e basketbol...
ARKEP autorizoi Starlink për të ofruar shërbime në Kosovë
Zyrtare: Sami Sermaxhaj emërohet selektor i kombëtares së Ko...