Inspektorët komunal në Drenas gjatë verës do të punojnë edhe pas orarit

07:35 | 18 Korrik 2019
Arbresh.info

Për shkak të rritjes së vëllimit të punëve sezonale në muajt në vazhdim, inspektorët komunal të Drenasit janë të autorizuar të punojnë pas orarit të rregullt të punës.

Ky angazhim shtesë sipas njoftimit po bëhet me qëllimin më të mirë në interes dhe dobi të qytetarëve, që të kujdesemi në çdo moment dhe kohë për qytetarët e komunës sonë.

“Drejtoria e Inspeksionit do të kryejë inspektime dhe do të ju përgjigjet të gjithë ankesave dhe kërkesave të qytetarëve, duke qenë gjithmonë në shërbim të tyre. Me të vetmen arsye që të bëjmë më të mirën për qytetarët dhe institucionet e vendit. Për zgjidhje sa më të mirë dhe efikase ju ftojmë për bashkëpunim”, shkruhet në njoftim.

Shpërndaje në rrjete sociale

Lajmet më të lexuara

Të ngjashme

Foto lajm