Kryetari i Kuvendit të Republikës së Kosovës, Glauk Konjufca, i shoqëruar nga shefi i Kabinetit, Ilir Kërçeli, ka pritur sot në takim pjesëtarë të iniciativës “Citizen Diplomacy Fellowship”.
Konjufca i falënderoi pjesëmarrësit për angazhimin e tyre në këtë program, që bën së bashku të rinj profesionistë nga mërgata, me dëshirën për të kontribuuar në promovimin e zhvillimit politik, ekonomik dhe socio-kulturor të Kosovës, shkruan Arbresh.info.
“Duke theksuar rolin pozitiv që angazhime të tilla luajnë në forcimin e lidhjes së mërgatës me Kosovën, kryetari Konjufca tha se, të lindur dhe rritur në vende si ShBA-ja, Gjermani, Britania e Madhe, Franca, Italia, Belgjika etj., ata do të kenë mundësinë që në institucionet e Kosovës ku tashmë janë angazhuar, të jenë një vlerë e shtuar, sa domethënëse aq edhe e rëndësishme.”, thuhet në komunikatë.
Pjesëmarrësit në programin “Citizen Diplomacy Fellowship”, iniciativës së financuar nga Ministria e Punëve të Jashtme dhe Diasporës, e falënderuan kryetarin Konjufca për pritjen dhe e konsideruan këtë program një mundësi shumë të mirë për të angazhuar potencialin e mërgatës sonë dhe që organizon vullnetin për të dhënë sa më shumë kontribut për Kosovën./Arbresh.info/
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...