Infermierët e Shërbimit Spitalor Klinik Universitar të Kosovës ankohen se ende nuk i kanë marrë shtesat prej 300 eurove të premtuara nga Qeveria e Kosovës. Përveç shtesave infermierët kanë edhe pakënaqësi të tjera për cka paralajëruan grevë dhe protesta në rast se nuk ndodhin shpejtë ndryshimet e kërkuara.
Sindikata e Infermiereve, Mamive dhe profesionistëve të tjerët shëndetësorë ka paralajmëruar grevë dhe protesta në rast se nuk plotësohen kërkesat e tyre.
Fitim Havolli, kryetar i kësaj Sindikate, tha për RTV Dukagjini tha se dialogu social është shtjerrë duke mos i realizuar kërkesat si pagesa për ndërrimin e natës, rrezikshmëria në punë dhe ligji i pagave.
“Kjo qeveri dhe cilado që vjen tjetër në momentin që futemi në grevë sepse greva është veprim sindikal i fundit duke i shterur të gjitha mundësitë e dialogut social dhe ne si dukemi që i kemi shterë këto mundësi, unë kam mijëra porosi nga infermierët që janë të gatshëm të bëjnë gjithçka sipas ligjit për organizim sindikal për ti arritur qëllimet e tyre. Nuk ka më mashtrime ka përfunduar fjala dialog social qoftë të kësaj qeverie apo tjerave, të gjithë akterët e politikës janë bashkëfajtorë të kësaj pune”, deklaroi Fitim Havolli, përcjell Telegrafi.
Havolli thotë se shtesa prej 300 eurove të premtuara nga vetë Qeveria e Kosovës nuk ka dalur në llogaritë e infermierëve të SHSKUK-së për çka thotë se kjo ka ndikuar edhe më shumë në demotivimin e tyre.
Nga ana tjetër infermierja Amira Abazi e cila punon në kujdesin intenziv të Klinikës Infektive thotë se që nga fillimi i pandemisë u ka shërbyer pacientëve me COVID-19 .
“Prej marsit jemi të angazhuar maksimalisht për pacientët me COVID por puna jonë nuk është vlerësuar sa duhet”, ka deklaruar infermierja Amira Abazi.
Më tutje nga Sindikata e Infermierëve thotë se shumë infermierë po largohen nga Kosova e shumë të tjerë janë në kërkim të mundësive të reja për të lëshuar Kosovën dhe punën në sistemin shëndetësor.
Romano ka treguar ekipin italian që ishte i interesuar për Z...
BE-ja e çon Hungarinë në gjykatë për shkak të ligjit kundër ...
Izraeli njofton vrasjen e kreut të qeverisë së Hamasit në Rr...
Hargreaves: Jemi krenarë për rolin tonë në FSK për progresin...
KPM miraton Planin e Veprimit për monitorimin e fushatës
Iu nënshtrua një operacioni, Kryeministria jep informacion p...