Imami kosovar kërkon që komunat të ndriçohen jo vetëm për festat e fundvitit por edhe për Bajram

00:13 | 31 Dhjetor 2021
Trina Galanxhi

Imami Labinot Maliqi ka bërë një kërkesë publike te kryetarët e komunave që kryeqendrat të ndriçohen edhe për festën e Bajramit, sikurse po bëhet për ato të fundvitit.

Këtë kërkesë Maliqi e bëri përmes një reagimi në facebook, duke besuar që realizimi i së njëjtës nuk do të dëmtonte laicitetin e shtetit, njofton Klankosova.tv.

”Meqë ndriçimi i kryeqytetit për festat fetare të fundvitit nuk po e dëmtuaka laicitetin e shtetit, kërkoj nga kryetarët e komunave që edhe për festat tona, siç janë Fitër Bajrami dhe Kurban Bajrami – të ndriçohen kryeqendrat tona çdo vit”, shkruan ai.

Imami Labinot Maliqi është hoxhë goxha i popullarizuar për reagimet e tij të shumta, por dhe se iu mbante ligjërata dhe lutje refugjatëve afganë në kampin Bondsteel.

Kujtojmë që dekorimi i qyteteve bëhet që para Krishtlindjes katolike dhe të tilla qëndrojnë deri pas asaj ortodokse, diku deri më 10 janar.

Shpërndaje në rrjete sociale

Lajmet më të lexuara

Të ngjashme

Foto lajm