Para disa ditësh zëvendëskryeministri i parë i Kosovës ka promovuar librin e tij më të ri në gjuhën italiane “Asgjë nuk është e pamundur”, shkruan arbresh.info

E për këtë gazeta e njohur italiane “Il Messagero” ka shkruar enkas një artikull vetëm Behgjet Pacollin për të cilin thotë fjalë shumë të mira e përmend edhe sakrificat e tij të bëra për Kosovën.

Artikulli nis me atë që z. Pacolli është një njeriu më i pasur në Kosovë dhe se dikur ai ishte i martuar me Ana Oxën.

“Shumë njerëz e dinë se ai është njeriu më i pasur i Kosovës dhe se ka restauruar pallatet e pushtetit të Moskës: Shtëpia e Bardhë në lumin e të Moskovës dhe Kremlinit”, thuhet në shkrim.

Mes tjerash në këtë artikull përmendet edhe gjiganti i ndërtimit Mabetex për të cilin thuhet se ka ndërtuar nga zeroja Astanën e Kazakistanit.

“Por, mbi të gjitha, duke rrëfyer për jetën e tij, Pacolli rrëfen një pjesë të historisë së Ballkanit, rënien e Bashkimit Sovjetik dhe betejën dramatike për pavarësinë e Kosovës, për të arritur deri tek çështjet aktuale dhe për t’u përqendruar  mbi situatën politike, kulturore dhe ekonomike të vendit të tij. Një vend i të cilit ai ishte President për një muaj dhe tani e përfaqëson në mbarë botën si Ministër i Jashtëm”, thuhet tutje.

“Nuk e di se çfarë do të jetë e ardhmja. Unë e di se ajo që bëra deri më tani e bëra me sakrificë të madhe. Me kënaqësi të madhe dhe me dëshirën për të ndërtuar gjithmonë. Të gjitha këto elementë të kombinuar më bëjnë të mendoj për titullin e librit tim: Asgjë nuk është e pamundur”, përfundon artikulli për shefin e diplomacisë kosovare./Arbresh.info/