Ia ktheu mbi 3600 euro më shumë në këmbimore, i dyshuari në kërkim të policisë

10:37 | 1 Gusht 2023
K.B

Policia e Kosovës është vënë në kërkim të një të dyshuari, pasi që dyshohet së të njëjtit i janë kthyer mbi 3500 euro më shumë në një këmbimore në Prizren.

Sipas Policisë, ankuesi e ka pritur një kohë klientin që ndoshta kthehet për t’i kthyer mjetet valutore të dhënë gabimisht, mirëpo i njëjti deri më sot nuk është paraqitur.

“Me datën 24.04.2023 rreth orës 11:30 ankuesi ka raportuar se në biznesin e tij të këmbimores ‘Franga’ me lokacion Rr. Mark Kaçinari – Prizren, derisa ishte duke punuar kishte ardhur një klient për të bërë këmbim të valutave nga ‘Kron Daneze’ në ‘Euro’, ankuesi ka bërë gabim me mjete monetare gjatë këmbimit dhe në vend të 402.25 eurove ia kthen klientit 4025 euro, ku dallimi figuron të jetë 3622.50 euro”, thuhet në njoftim.

Sektori i hetimeve ka siguruar fotografi dhe video të të dyshuarit, mirëpo deri tani nuk ka rezultuar në identifikim e tij./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm