I vidhet vetura Agim Çekut në oborrin e shtëpisë

11:30 | 28 Shkurt 2017
Arbresh.info

Mbrëmë rreth orës 20:50 është raportuar për një vjedhje të veturës.

Mësohet se makina e tipi “Tuareg” ishte e deputetit nga radhët e PDK-së, Agim Çeku.

Sipas burimeve të portalit arbresh.info, persona të panjohur kanë marrë çelësat e makinës nga shtëpia e deputetit në Llapnasellë e më pas edhe makinën.

Vetura është gjetur e parkuar në një lagje të Fushë Kosovës.

Lajmin për portalin arbresh.info e ka konfirmuar edhe Policia e Kosovës. Ata kanë thënë se ajo është gjetur në rrugën “Xhemajl Mustafa” në Fushë Kosovë.

I kontaktuar nga portali arbresh.info, Agim Çeku ka pohuar se makina e tipit Tuareg është marrë nga shtëpia e tij, por ai ka thënë se nuk e di për çfarë arsye.

“Po mbrëmë në oborrin e shtëpisë më kanë vjedhur kerrin, e kam lajmëruar policinë, ndërsa kjo e fundit e kanë gjetur në mëngjes”, tha Çeku.

Ai ka thënë më tej se nuk dyshon se për çfarë arsye është bërë kjo./Arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm