I premtoi dërgimin në Belgjikë për 3500 euro, arrestohet i dyshuari

12:33 | 21 Tetor 2019
L G

Policia kufitare e  Kosovës  në Dheun e Bardhë ka arrestuar një person, i cili në veturën e tij kishte një person, të cilin në mënyrë të kundërligjshme  donte ta transportonte në Belgjikë.

“Dheu i Bardhë 19.10.2019-21:50. Është arrestuar i dyshuari mashkull K/Shqiptar i cili në vendkalimin kufitar me veturë ishte ndaluar nga Policia pasi me vete në veturë e kishte pasur pasagjerin, viktimën mashkull K/Shqiptar, të cilët në mënyrë të kundërligjshme i kishte premtuar se do t’ia siguronte udhëtimin deri në Belgjikë”, bën të ditur policia.

Sipas viktimës me të dyshuarin për atë udhëtim ishin marrë vesh që kur të arrijë në Belgjikë t’ia japë tremijë e pesëqind (3500) euro. Pas intervistimit i dyshuari me urdhër të prokurorit është liruar në procedurë të rregullt./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm