Hyseni thirrje opozitës: Lërini inatet, votoni bartjen e mjeteve

16:33 | 15 Nëntor 2024
R J

Kryetari i Komunës së Gjilanit, Alban Hyseni i ka bërë thirrje opozitarëve të kësaj komune që të votojnë bartjen e mjeteve nga viti 2023, me të cilin veprim sipas tij, opozita po i dëmton qytetarët.

Sipas Hysenit, disa projekte dhe subvencione nuk po mund të realizohen e kjo po ndodhë si shkak i mos miratimit të bartjes së mjeteve nga viti paraprak nga ana e kuvendit.

“Duke tentuar të më kundërshtojnë mua, ata në fakt po i dëmtojnë vetëm qytetarët”, tha Hyseni.

Kreu i gjilanasve tregoi se këto projekte janë planifikuar dhe janë në shërbim, sipas tij, të së mirës së të gjithë qytetarëve.

Andaj mbi këtë bazë, ai u ka bërë thirrje opozitës që të lënë anash inatet e ta votojnë bartjen e mjeteve  nga viti 2023.

Shpërndaje në rrjete sociale

Lajmet më të lexuara

Të ngjashme

Foto lajm