Google ADS

“Huqje” protokollare| Drekë shtetërore në një restorant të vogël për Presidentin letonez

16:52 | 22 Prill 2022
S D

Sot, po qëndron në Kosovë presidenti i Letonisë, Egils Levits.

Pas takimeve me krerët e shtetit, ai është shoqëruar në një drekë shtetërore, por në një restorant të vogël në periferi të Prishtinës, mëson arbresh.info.

Për këto nivele të vizitave në Kosovë janë shtruar dreka e darka të shtetit në një nivel më të lartë të pritjes.

“Presidenti i Republikës pret miq të nivelit të lartë edhe në mjedise të tjera si në Rezidencën e Presidentit. Në to mund të zhvillohet e njëjta ceremoni nderi. Për homologun Presidenti shtron, sipas rastit, pritje kortezie, drekë ose darkë shteti”, thuhet në Ligjin për protokollin e shtetit.

Levits gjatë ditës ka takuar presidenten, Vjosa Osmani, kreun e Kuvendit, Glauk Konjufca dhe kreun e ekzekutivit, Albin Kurti.

Levits shprehu përkrahjen për Kosovën për integrim në NATO, Këshill të Evropës, dhe organizata tjera ndërkombëtare./arbresh.info/

 

 

 

 

Shpërndaje në rrjete sociale

Lajmet më të lexuara

Të ngjashme

Foto lajm