Humbin betejën me Covid-19 edhe dy persona në Kosovë

19:10 | 15 Korrik 2020
Arbresh.info

Gjatë ditës së sotme në Spitalin Rajonal të Ferizajt kanë vdekur dy pacientë me koronavirus.

Lajmin e ka bërë të ditur, drejtori për Shëndetësi dhe Mirëqenie Sociale në komunën e Ferizajt, Bekim Ademi.

Ai ka thënë se dy pacientët, njëri i lindur më 1944 dhe tjetri 1966, prej më shumë se një javë ishin të shtrirë në Spitalin Rajonal dhe po trajtoheshin me oksigjenoterapi.

Numri i përgjithshëm i viktimave me COVID-19 në Kosovë ka shkuar në 114.

Ndërkaq, ka shkuar në 5 mijë e 237 numri i personave të infektuar me COVID-19, në Kosovë, ndërsa vetëm në 24-orët e fundit janë konfirmuar 119 raste të reja.

Shpërndaje në rrjete sociale

Lajmet më të lexuara

Të ngjashme

Foto lajm