Humb kontrollin e mjetit dhe përfundon në greminë, ndërron jetë shoferi në Mat

13:44 | 10 Janar 2022
A. B.

Një shtetas i Shqipërisë ka humbur jetën këtë të hënë në mëngjes pasi duke drejtuar mjetin në fshatin Shkallë të Matit ka humbur kontrollin.

Makina ka përfunduar rreth 200 metra në greminë. Dyshohet se prezenca e mjegullës në rrugë, e ndikuar dhe nga terreni i vështirë kanë bërë që shtetasi me iniciale P.M., të humbasë kontrollin.

Një dëshmi tjetër thotë se djali i drejtuesit të mjetit po tërhiqte me kavo makinën pas një defekti, por kavo është këputur dhe manovrimi i mjetit ka qenë i pamundur.

Policia njofton se grupi hetimor ndodhet në vendngjarje po hetohet për zbardhjen e shkaqeve të aksidentit. /TCH/

Shpërndaje në rrjete sociale

Lajmet më të lexuara

Të ngjashme

Foto lajm