Hoxhaj nuk shkon në Beograd, shkak lobimi për INTERPOL dhe viza

18:13 | 18 Tetor 2018
M. A.

Zëvendëskryeministri i Kosovës, Enver Hoxhaj edhe pse kishte marrë ftesë për pjesëmarrje në Forumin e Sigurisë që po mbahet në Beograd, ai ka vendosur të mos shkojë atje.

Ai ka dhënë edhe arsyet për mospjesëmarrjen e tij në këtë forum.

“Kam pas ftesë, por nuk kam bërë kërkesë për vizitë në Serbi, meqë jam duke u marrë me procesin e liberalizimit të vizave dhe anëtarësimin në INTERPOL, kështu që nuk kam mundur të shkojë”, ka deklaruar Hoxhaj për klankosova.tv

Ai këtë forum nuk e konsideroi të rëndësishëm, përderisa bëri të ditur se vizitën në Tiranë e ka bërë për të siguruar mbështetje për këto dy procese.

“Forumi merret më shumë me analiza, unë jam në Tiranë duke për të marrë mbështetje për liberalizimin e vizave dhe anëtarësimin në INTERPOL”, ka shtuar Hoxhaj.

Klan Kosova edhe më herët kishte raportuar për ftesën që zëvendëskryeministri kosovar kishte marrë për pjesëmarrje në këtë forum.

Shpërndaje në rrjete sociale

Lajmet më të lexuara

Të ngjashme

Foto lajm