Hoxhaj: Kosova nuk humb territor me demarkacionin

23:11 | 6 Shkurt 2018
Arbresh.info

Zëvendëskryeministri i Kosovës, Enver Hoxhaj ka deklaruar se për çështjen e demarkacionit edhe brenda qeverisë së Kosovës ka dallime. Ai tha në RTK se tashmë është dërguar në Kuvend të Kosovës edhe marrëveshja e arritur në vitin 2015, por edhe të gjeturat e komisionit të vitit 2017.

Hoxhaj tha se nuk është bindur se komisioni të ketë sjell fakte të reja, ndonëse është një pjesë e deputetëve që kanë pikëpamje të ndryshme. Prandaj tha ai, duhet të gjetur instrumente diplomatike, ku ka mundësi të komunikimit me palën malazeze, ku mund të ofrojmë ndonjë zgjidhje, e cila zgjidhje realisht do të ishte bindëse për një pjesë të deputetëve se Kosova nuk humb territor.

Për mua shtoi ai, marrëveshja e vitit 2015 është në rregull, por deklaroi se “nëse dikush ka shqetësime se duhet të rishikohet dhe të trajtohen gjetjet e komisionit të vitit 2017 , ne si PDK jemi për një zgjidhje të tillë”.

Shpërndaje në rrjete sociale

Lajmet më të lexuara

Të ngjashme

Foto lajm