Zëvendëskryeministri i Kosovës, Enver Hoxhaj ka reaguar për veprimet e Serbisë ndaj sportistëve dhe deputetëve të Kosovës, të cilëve sot u është ndaluar hyrja në Serbi për të marrë pjesë në dy evenimente të ndryshme. Ironikisht, dy veprimet anti-evropiane u bënë pikërisht në ditën e Evropës.
Brenda një dite Serbia ndaloi hyrjen e sportistëve kosovarë në territorin e Serbisë, duke ua pamundësuar pjesëmarrjen në kampionatin evropian të karatesë. Si dhe, në anën tjetër, u tërhoq edhe ftesa për deputetët e Kuvendit të Kosovës, të cilët do të merrnin pjesë në Konferencën e organizuar nga kryetari i Komisionit për Integrime i Kuvendit të Serbisë, Nenad Canak.
Zëvendëskryeministri Hoxhaj përmes një postimi në Twitter tha se këto veprime janë dëshmi e qasjes anti-evropiane të Serbisë ndaj fqinjëve të saj.
“Dy vendime brenda një dite nga Qeveria e Serbisë: 1. Ndalimi i sportistëve kosovarë në kufi për të mos marrë pjesë në Kampionatin Evropian; dhe 2. Ndalimi i hyrjes për deputetët e Kosovës duke mos i lejuar të marrin pjesë në konferencën e paqes, është dëshmi e qasjes antievropiane të Serbisë ndaj fqinjëve”, është postimi i plotë i Hoxhajt.
Lideri suprem i Iranit thotë se Hamasi do të mbijetojë, pava...
“Tronditet” Serbia: “Hakohet” një billbord në Valevë – shqip...
Një ditë para Maratonës, Veliaj: Tirana të jetë një kartolin...
Franca premton mbështetje për planin e Ukrainës për t’i dhën...
Haradinaj takohet me diasporën shqiptare në Çikago: Secili p...
Pak kohë pas pensionimit nga futbolli, Varane merr një punë ...