Hoxha në Vjenë kërkon përfshirjen e Kosovës në proceset integruese

16:14 | 29 Janar 2018
M. A.

Ministrja e Integrimit Evropian Dhurata Hoxha ka marrë pjesë në Konferencën ndërkombëtare kushtuar Strategjisë së të ardhmes evropiane, në Vjenë ku kanë marrë pjesë zyrtarë të lartë të shteteve të Bashkimit Evropian, Ballkanit, ShBA-së dhe vende të tjera.

Në këtë konferencë është diskutuar për strategjinë për të ardhmen e Evropës, me moton Go West – Eastern Balkan, bën të ditur komunikata për media nga Ministria e Integrimit Evropian.

Aty thuhet se duke parë se interesi i ballkanasve për perspektivën evropiane është i madh, BE do të paraqesë strategjinë për shtetet e Ballkanit për vitin 2018.

“Në takime me disa nga personalitetet e shquara, kërkova që Kosova të përfshihet në Strategjinë e BE-së për zgjerim, në pajtim me qëllimin primar të Republikës së Kosovës, duke u bërë pjesë e vlerave integruese euro-atlantike,” është shprehur Hoxha lidhur me vizitën e saj kundrejt proceseve integruese të shtetit të Kosovës.

Shpërndaje në rrjete sociale

Lajmet më të lexuara

Të ngjashme

Foto lajm