Ambasadori i Shteteve të Bashkuara të Amerikës në Kosovë, Jeff Hovenier, në edicionin e dytë të Samitit të Paqes dhe Demokracisë tha se dialogu është e vetmja mënyrë për relacionet Kosovë – Serbi, teksa ka thënë se SHBA ka mbështetjen e plotë ndaj përfaqësimit të dialogut nga Bashkimi Evropian.
Ai tha se po punojnë të gjithë për të ardhmen stabile të Kosovës dhe Serbisë. Normalizimi i marrëdhënieve mes dy shteteve sipas ambasadorit amerikan është interes jo vetëm i dy vendeve, por i gjithë rajonit.
“SHBA ka besimin e plotë të ndërmjetësimit të dialogut nga BE, të përfaqësuar nga Borell dhe Lajçak si zbatuesit e kësaj politike. Është e rëndësishme për të gjithë akterët e përfshirë në këtë proces që ta kuptojnë procesin në të cilën ndodhen dhe të luajnë ‘poker’ me kartat të cilat iu ofrohen”, u shpreh Hovenier.
Tutje ai tha se vetëm dialogu mund të sjellë paqe në vend.
“Nuk është sekret që Shtetet e Bashkuara të Amerikës dhe partnerët e shohin dialogun e udhëhequr nga BE si mundësinë më të mirë dhe të vetme për zhvillimin e integrimit të plotë në Bashkimin Evropian dhe sigurimin e paqes dhe prosperitetit në rajon”, deklaroi ai.
Sa i përket raportit të Kosovës drejt rrugëtimit evropian, Hovenier tha se duan ta shohin si pjesë të Bashkimit Evropian dhe strukturave tjera ndërkombëtare.
“Duam të shohim Kosovën që po e merr të drejtën e saj të plotë në Bashkimin Evropian, duke u njohur nga gjithë komuniteti ndërkombëtar për atë që është, një shtet i pavarur dhe sovran. Kjo nuk është e kontestueshme, ne duam ta shohim Kosovën pjesë të këtyre institucioneve, pjesë të BE-së dhe pjesë të NATO-s”, deklaroi tutje Jeff Hovenier./rtk/
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...