Kreu i ekzekutivit të vendit, Avdullah Hoti ka dhënë detaje rreth asaj që u diskutua me të ngarkuarin e Bashkimit Evropian për dialogun Kosovë-Serbi, Miroslav Lajçak.
Sipas Hotit, vizita e Lajçakut në Prishtinë është bërë në momentin e duhur.
“Vizita e Lajçakut në Prishtinë është në momentin e duhur për të bërë një vlerësim të procesit të dialogut deri më tani dhe për të bërë plane për takimet e ardhshme që do t’i kemi në kuadër të këtij procesi”, u shpreh Hoti në një konferencë pas takimit me Lajçakun, raporton arbresh.info.
Kreu i Qeverisë së Kosovës, tha se tema e asociacionit është mbyllur në vitin 2013 dhe kjo temë është ratifikuar në Kuvendin e Kosovës.
“Ky nuk është proces i lehtë, ka tema të vështira, siç është asociacioni dhe tema të tjera, por të gjithave do tu qasemi bazuar në parimet e qarta që i kemi bërë të ditura para Kuvendit dhe qytetarëve të Kosovës. Asociacioni është temë e mbyllur me marrëveshjen e vitit 2013 që është ratifikuar në Kuvendin e Kosovës. Pastaj është marrëveshja e parimeve e vitit 2015 po ashtu edhe opinioni i Gjykatës Kushtetuese për këtë temë. I kemi të gjitha garancitë dhe mbështetjen e partnerëve tanë që ky Asociacion nuk do të ketë kompetenca ekzekutive”, ka thënë Hoti./arbresh.info/
Tjetër shpërthim në Libanin jugor, Izraeli zotohet të godas ...
Ursula von der Leyen të shtunën viziton Kosovës, pritet në t...
Zidane ‘injoron’ Ronaldon kur emëron tre lojtarët e Real Mad...
Moti sot në Shqipëri
Ministri bullgar sot viziton Kosovën, nënshkruajnë me Çekun ...
Sot mbahet ceremonia e hapjes së edicionit të 10-të të Shkol...