Google ADS

Hoti pyet Qeverinë: A po e cenon ende sovranitetin e Kosovës studimi i fizibilitetit për Ujmanin?

11:52 | 24 Qershor 2021
Arbresh.info

Ish-kryeministri dhe deputeti i LDK-së, Avdullah Hoti, në seancën plenare që po mbahet në Kuvendin e Kosovës, ka folur për studimin e fizibilitetit për liqenin e Ujmanit, të realizuar nga Shtetet e Bashkuara të Amerikës në bazë të Marrëveshjes së Uashingtonit e cila është nënshkruar në fund të vitit 2020 nga Qeveria Hoti.

Ai ka thënë se kjo marrëveshje ishte kritikuar nga opozita e atëhershme për arsye të ndryshme por të paqëndrueshme, që kanë pas për synim ngritjen e numrit të përkrahësve.

“Një pjesë e asaj opozite tash është në Qeveri dhe ne presim të tregohet maturi për këtë marrëveshje. Dje, Qeveria ka pranuar studimin e fizibilitetit të liqenit të Ujmanit të përgatitur nga SHBA-të dhe ka qenë absurde deklarimi i opozitës së atëhershme se ky studim cenon sovranitetin e territorit të Kosovës. Sot, dua një përgjigje nga Qeveria se a e cenon sovranitetin ky studim i bërë nga partneri kryesor i Kosovës, SHBA-të”, ka thënë Hoti.

Ai i ka bërë ftesë qeverisë aktuale që të kujdesen për realizimin e projekteve të kësaj marrëveshje, ndryshe nuk do ta kenë gjatë qeverisjen./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm