Hoti për takimin Kurti-Vuçiq: Negociohet vetëm për zbatimin e Marrëveshjes së arritur në vilat e Titos në Ohër

17:23 | 13 Shtator 2023
E.K

Deputeti i Lidhjes Demokratike të Kosovës (LDK), Avdullah Hoti, ka shkruar për takimin në Bruksel që do ta ketë nesër kryeministri i Kosovës Albin Kurti, me presidentin e Serbisë Aleksandar Vuçiq.

Përmes një postimi në Facebook, Hoti ka thënë se nesër negociohet vetëm për zbatimin e marrëveshjes së arritur në Ohër, përcjell Arbresh.info.

“Të jemi të qartë e të mos kemi pritje jorealiste për takimin e nesërm për dialog në Bruksel: Nesër negociohet vetëm për zbatimin e Marrëveshjes së arritur në villat e Titos në Ohër”, shkroi Hoti.

Hoti thotë se gjatë takimit të 14 shtatorit nuk bëhet fjalë të flitet për njohje pasi sipas tij Kurti ka hequr dorë nga njohja në Ohër.

“Nuk negociohet për njohje reciproke, pasi Kosova ka hequr dorë nga njohja reciproke si kompromis për të arritur Marrëveshjen e Ohrit. Bërjen e këtij kompromisi e dëshmoi vetë kryenegociatori i Kosovës para disa dite në media të huaja”, përfundoi Hoti./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm