Ish-kryeministri i vendit, njëherish edhe deputeti i LDK-së, Avdullah Hoti ka akuzuar qeverinë se i ka bërë dëmë të madh dhe afatgjatë integrimit euro-atlantik të Kosovës.
Ky reagim i Hotit vjen pasi kryeministri i vendit, Albin Kurti ka deklaruar se është i papranueshëm kushtëzimi për anëtarësim në KiE me Asociacionin, përcjell Arbresh.info.
Hoti i ka bërë një përmbledhje veprimeve dhe vendimeve të Qeverisë Kurt lidhur me procesin e negociatave dhe të anëtarësimit të Kosovës në organizata ndërkombëtare.
Postimi i plotë:
– Qeveria aktuale në fillim të mandatit e braktisi dialogun për njohje reciproke, të nisur në qeverinë paraprake me mbështetje të aleatëve.
– Vendosi kushte për dialog, të cilat nuk u morën parasysh as nga ndërmjetësi i BE-së, e as nga aleatët.
– E nisi dialogun pa kushte.
– E pranoi marrëveshjen e Brukselit/Ohrit, e cila në qendër nuk e ka njohje reciproke, por i ka garancitë për vetë-menaxhim për komunitetin serb dhe kishën ortodokse serbe.
– Në nëntor 2023, e pranoi nga BE-ja draft-statutin e asociacionit, të cilin nuk e refuzoi.
– Tani çuditet pse dërgimi i atij drafti në Gjykatën Kushtetuese po i vendoset si kusht për anëtarësim në Këshillin e Evropës.
Kjo qeveri i ka bërë dëm të madh dhe afatgjatë integrimit euro-atlantik të Kosovës, duke na kurthuar në një marrëveshje që nuk parasheh njohjen, që e liron Serbinë nga ky obligim në progresin e saj drejt BE-së./Arbresh.info
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...