Google ADS

Hoti ngushëllon qeverinë e Mbretërisë së Bashkuar dhe ambasadorin O’Connell

10:35 | 23 Maj 2017
Arbresh.info

Kandidati i koalicionit LDK-AKR-Alternativa për kryeministër, Avdullah Hoti ka shprehur keqardhjen e tij pas sulmit të mbrëmshëm në koncertin e Ariana Grandes në Manchester Arena.

Hoti, përmes një postimi në Facebook ka thënë se sulmi ndaj njerëzve të pafajshëm është sulm ndaj civilizimit dhe lirive themelore të mbarë njerëzimit, shkruan arbresh.info.

Lexoni të plotë postimin e tij:

Shpreh keqardhje dhe solidarizohem me popullin britanik pas sulmit të mbrëmshëm në një sallë koncertesh në Mançester, ku humbën jetën dhe u plagosën dhjetëra njerëz.

Kam besimin e plotë se Britania e Madhe si vatër e demokracisë do ta tejkalojë edhe këtë sfidë.

Sulmi ndaj njerëzve të pafajshëm është sulm ndaj civilizimit dhe lirive themelore të mbarë njerëzimit.

Ju shpreh ngushëllimet më të sinqerta familjeve të viktimave, popullit dhe Qeverisë së Mbretërisë së Bashkuar dhe Ambasadorit britanik në Prishtinë, shkëlqesisë së tij Ruary O’Connell.

Sinqerisht AH.

 

Shpërndaje në rrjete sociale

Lajmet më të lexuara

Të ngjashme

Foto lajm