Kryeministri i Kosovës, Avdullah Hoti, ka mirëpritur propozimin e emisarit Richard Grenell, që Liqeni i Ujmanit të quhet Liqeni Trump.
I dërguari i posaçëm i presidentit amerikan, Donald Trump, për dialogun Kosovë-Serbi, Richard Grenell, ka propozuar që Liqeni i Ujmanit të quhet Liqeni Trump, pas arritjes së marrëveshjes së arritur në Uashington.
Një propozim të tillë e ka mirëpritur kryeministri i Kosovës, Avdullah Hoti.
Sipas Hotit, emërimi i Liqenit të Ujmanit “Liqeni i Presidentit Trump”, është shenjë nderimi për rolin e presidentit amerikan për arritjen e marrëveshjes siç e quajti ai, historike.
Postimi i plotë i Hotit, pa ndërhyrje:
E kam mirëpritur propozimin e ambasadorit Grenell që Liqeni i Ujmanit të quhet Liqeni i Presidentit Trump, në shenjë nderimi për rolin e tij të jashtëzakonshëm për arrijen e marrëveshjes historike për normalizimin e marrëdhënieve ekonomike midis Republikës së Kosovës dhe asaj të Serbisë, si hap i madh drejt marrëveshjes përfundimtare politike, e cila duhet të rezultojë me njohje reciproke.
Në shenjë nderimi për rolin e tyre vendimtar për lirinë, pavarësinë dhe njohjen e shtetësisë së Republikës sonë anekënd botës, ne i kemi pagëzuar sheshet më të bukrua të qyteteve tona me emrat e personaliteteve më të shquara të Shteteve të Bashkuara Amerikës, si: Presidenti Klinton, Xhorxh Bush, Senatori Bob Dol, Sekretarja Medlin Olbrajt etj.
Kosova dhe qytetarët e saj do t’u jenë përjetësisht mirënjohës Shteteve të Bashkuara të Amerikës, me të cilat, siç thoshte Presidenti Rugova, ne kemi miqësi speciale dhe të përhershme.
Është traditë dhe kulturë jona për ta nderuar Mikun! Këtë traditë fisnike të të parëve tanë, ne do ta ruajmë dhe do ta kultivojmë gjithnjë!./arbresh.info
Sara ndryshon lojën, shpëton nga nominimi Drilonin, e nomino...
Berisha: Më 29 tetor protestë, opozita duhet të udhëheqë me ...
Paralajmërimi i O’Brien: Është momenti që Kosova të përkufiz...
Osmani: Një partneritet i fortë SHBA – Kosovë siguron ...
Leverkuseni është i bindur se Alonso do të nënshkruajë me nj...
Berisha: Kurti po i ikë zbatimit të marrëveshjeve ndërkombët...