Hoti: Marrëveshja e Washingonit është një nga ngjarjet më të rëndësishme pas shpalljes së pavarësisë

00:18 | 5 Shtator 2021
Trina Galanxhi

Ish-kryeministri i Republikës së Kosovës, Avdullah Hoti, ka folur për Marrëveshjen e Washingonit një vit pas nënshkrimit të saj në Shtëpinë e Bardhë.

Hoti është shprehur se kjo Marrëveshje është një prej ngjarjeve më të rëndësishme për vendin që pas shpalljes së pavarësisë.

“Kjo Marrëveshje mund të konsiderohet një prej ngjarjeve më të rëndësishme pas shpalljes së pavarësisë. është e rëndësisë së njejtë me Marrëveshjen e Stabilizim Asociimit e cila u nënshkrua nga ish-kryeministri Mustafa në vitin 2016. Si e tillë ka vendosur një gurthemel në konkretizimin e partneritetit strategjik që Kosova e ka pasë gjithmonë me SHBA.”, ka thënë Hoti në Kanal10.

Por sipas tij, ndërrimi i Qeverive në Kosovë, ka bërë që të tregohet një mungesë e seriozitetit nga ana e kosovarëve në respektimin e kësaj Marrëveshje.

Ndryshe, Kosova dhe Serbia më 4 shtator të vitit 2020 në Zyrën Ovale të Shtëpisë së Bardhë, kanë nënshkruar Marrëveshjen për normalizim të marrëdhënieve ekonomike.

Shpërndaje në rrjete sociale

Lajmet më të lexuara

Të ngjashme

Foto lajm