Shefi i Grupit Parlamentar të LDK-së, Avdullah Hoti ka shkruar në profilin e tij në facebook se qeverisja aktuale është qeverisja më e dobët dhe më e brishtë që nga shpallja e pavarësisë, shkruan arbresh.info.
Sipas tij, me këtë qeveri asnjë projekt madhor nuk mund të shtyhet përpara, duke shtuar se këto 100 ditë të qeverisjes njihen vetëm për numrin enorm të zëvendësministrave.
Hoti, ka shkruar se luftimi i korrupsionit, si kusht për liberalizim të vizave është kthyer përsëri edhe pse gjatë qeverisjes Mustafa sipas tij ky kusht ishte larguar.
Ky është shkrimi i tij i plotë në facebook:
“Kosova ka qeverinë më të dobët dhe më të brishtë që nga shpallja e pavarësisë. Mënyra si është themeluar koalicioni qeverisës e determinon progresin e dobët të qeverie.
Me këtë përbërje që ka Qeveria, asnjë projekt madhor nuk mund të shtyjë përpara. Presioni nga partnerët e vegjël të koalicionit është e natyrshme që e bënë qeverinë jofunksionale.
Këto 100 ditë të qeverisjes njihen vetëm për numrin enorm të zëvendësministrave, gati nga një në ditë i emëruar, dhe nuk dihet kur do të përfundojë.
Nuk kemi parë asnjë nismë madhore legjislative që ka nisur kjo qeveri. Vendi po shënon stagnin.
Luftimi i korrupsionit, si kusht për liberalizim të vizave, është kthyer prapë nga Bashkimi Evropian. Ky kusht ishte hequr gjatë Qeverisë Mustafa pasi konsiderohej se Qeveria kishte treguar përkushtim serioz në luftimin e kësaj dukurie gangrenë për shoqërinë dhe shtetin e Kosovës”, ka shkruar ai në facebook.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...