Kandidati për kryeministër i koalicionit LDK-AKR-Alternativa, Avdullah Hoti dhe kryetari i degës së LDK-së në Gjilan, Lutfi Haziri vizituan të mërkurën fabrikën për përpunimin e mishit “Calabria”, për të parë nga afër punën e madhe që bëhet aty, si kanë zhvilluar një debat të frytshëm me bujqit e Gjilanit.
Ata me këtë rast thanë se “Calabria” është shembull i suksesit në Gjilan dhe Kosovë, ndërkaq kanë dhënë zotimin se në Qeveria e ardhshme do ta rrisë buxhetin për bujqësinë për 150 milionë euro.
“Po e bëj publike sot këtu që do ta trefishojmë buxhetin për bujqësinë dhe do kujdesemi që në këtë fushë t’i japim rol shumë më të madh komunave. Kjo është pika kryesore e programit tonë dhe nënkupton rritjen e prodhimit vendor”, ka thënë Hoti.
Ai tha se është në përfundim master-plani për sistemi i ujitjes, në mënyrë që të dyfishohen tokat bujqësore që janë në ujitje në tërë Kosovën.
Ndërkohë, edhe kryetari Haziri ka thënë se trefishimi i buxhetit për bujqit i bie të jetë mbi 150 milionë euro.
“Në emër të koalicionit fitues LDK-AKR-Alternativa-Lëvizja për Drejtësi dhe shoqërinë civile, e kemi nderin që sot ta konfirmojmë programin tonë detaj për zhvillimin Bujqësinë, në mesin e kryefamiljarëve të nderuar këtu që përfitimi do të jetë i jashtëzakonshëm për ta”, ka thënë ai.
Gjatë vizitës në këtë fabrikë, Haziri e Hoti kanë dhënë lajmin për mbështetjen edhe të prodhuesve të mishit, përderisa kanë deklaruar se Gjilani do të bëhet vend i gjelbër, duke bërë publike mbështetjen e Qeverisë për kultivimin e bimës së duhanit, që nënkupton subvencionimin e çdo hektari të duhanit dhe garantimin e shitjes.
“Në këtë fushë llogaritet se do të punësohen rreth 18 mijë njerëz”, tha Hoti.
Nga ana e tij, pronari i fabrikës për përpunimin e mishit, Xhelal Selimi, ka falënderuar kryetarin Haziri dhe kandidatin për kryeministër të LDK-së, Avdullah Hoti, për vizitën dhe mbështetjen në fuqizimin e këtij sektori.
Ndryshe, gjatë vizitës së sotme kanë marrë pjesë edhe kandidatët për deputetë nga Koalicioni i Shpresës dhe Besës nga Gjilani dhe Anamorava./Arbresh.info/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...