Deputeti i Lidhjes Demokratike të Kosovës (LDK), Avdullah Hoti ka përkujtuar ish-kryetarin e Suharekës, Ukë Bytyçin, në 22-vjetorin e vrasjes së tij.
Me anë të një postimi në Facebook, ai ka shkruar se Bytyçi do të mbahet mend si shërbyes i devotshëm i vullnetit të qytetarëve dhe si një njeri që nuk u ndal së punuari për avancimin e Suharekës dhe të Kosovës, shkruan Arbresh.info.
“Sot, përkujtojmë intelektualin, bashkëpunëtorin e Presidentit Historik Dr. Ibrahim Rugova dhe kryetarin e Suharekës, z. Ukë Bytyçi. Vrasja e Ukës ishte sulm ndaj institucioneve të vendit, demokracisë dhe Lidhjes Demokratike të Kosovës në Suharekë”, ka shkruar Hoti.
“Do të kujtohet përherë si një shërbyes i devotshëm i vullnetit të qytetarëve dhe si një njeri që nuk u ndal së punuari për avancimin e Suharekës dhe të Kosovës. Kryetari Ukë Bytyçi do të mbahet mend për veprimtarinë e tij të bujshme që ka bërë për liri dhe demokraci. Lavdi për jetën dhe veprën e Ukë Bytyçit!”, shtoi ai./Arbresh.info/
Drejtori i Komisionit Evropian: Kosova mund t’i përfitojë 88...
Luftë e madhe për vendin e parë në Ligën e Parë grupi A, Pri...
Bajrami ironizon me ministrin Murati: Pas Fondit Sovran bëhe...
”Mos merr urdhra nga dështaku”, Vullneti i drejtohet Sarës p...
Protestuesit ndërpresin fjalimin e Netayanhut
KFOR-i publikon pamje nga stërvitja e qitjes me armë