Google ADS

Hoti: Kosova tokë me nda nuk ka

17:19 | 8 Shkurt 2019
Arbresh Info

Shefi i grupit parlamentarë të LDK-së, Avdullah Hoti, ka thënë se është e papranueshme që të ambalazhohet dialogu me Serbinë me gjysmë të njohura dhe dykuptimësi dhe se Kosova nuk ka tokë për ta ndarë.

Hoti ka thënë se përfaqësuesit politik duhet të jenë të qartë me qytetarët e Kosovës dhe aleatët rreth dialogut me Serbinë.

“Është e pa pranueshme që të ambalazhohet dialogu me Serbinë me gjysmë të njohura dhe dykuptimësi. Kjo qasje e Presidentit u pa edhe sot në konferencën për medie”.

“Ne nuk mund të ‘manovrojmë’ me procesin e dialogut. Ne duhet të jemi të qartë me qytetarët e Kosovës dhe aleatët tanë për pozicionin tonë në dialogun me Serbinë”.

“E para, Kosova duhet të dialogojë dhe do të dialogojë, sepse nuk ka alternativë tjetër. Gjuha që nxitë konflikte duhet të hiqet nga diskursi jonë”.

“E dyta, Kosova tokë me nda nuk ka, Kosova nuk e rishikon shtetësinë e vetë dhe Kosova nuk e defunksionalizon shtetin e vetë me aranzhime të brendshme në baza etnike”.

Shpërndaje në rrjete sociale

Lajmet më të lexuara

Të ngjashme

Foto lajm