Pas kthimit nga vizita zyrtare në Bruksel, kryeministri Avdullah Hoti thotë se Kosova ka plotësuar të gjitha kushtet e vendosura për liberalizimin e vizave.
Këtë e bëri të ditur ai në një konferencë për media, ku foli për takimet e tij me presidentin e KE-së, Charles Michel si dhe presidenten e Komisionit Evropian Ursula Von Der Leyen, raporton portali arbresh.info.
“Siç e keni parë kemi pasur takime të nivelit më të lartë duke filluar nga president i Këshillit Evropian Charles Michel, presidenten e Komisioni Evropian, Ursula Von Der Leyen, komisionerin për zgjerim dhe fqinjësi Olivér Várhelyi si dhe David McAllister.
“Temat që janë diskutuar janë tema me vital, duke filluar nga vizat, ka një mirëkuptim të plotë për nevojë që kanë qytetarët e Kosovës që të lëvizin lirshëm, pranohet që Kosova ka plotësuar të gjitha kushtet e vendosura. Është obligim i qeverisë që të mirëmbajë ato dhe të sigurohet të vazhdojë zbatimi. Me përkushtimin e treguar nga Qeveria e re për reformën e agjendës evropiane, do të kërkohet që qytetarë të lëvizin sa më lirshëm”, deklaroi Hoti.
Tutje ai ka përmendur edhe kërkesën e deputetëve të Parlamentit Evropian, drejtuar Gjermanisë që kryeson presidencën nga 1 korriku për të futur liberalizmin e vizave për Kosovën.
“Deputetë nga të gjitha grupet parlamentare nga PE kanë kërkuar nga Gjermania futjen në agjendë të liberalizimit të vizave. Do të punojmë veç e veç me secilin shtet për të treguar përkushtimin tonë”, tha ai./arbresh.info/
Ngritet aktakuzë ndaj 16 personave për krim të organizuar
Trepça sonte kërkon fitoren e parë në Fiba Europe Cup
Osmani përmbyll vizitën në New York
Sot varrosen dy të rinjtë që humbën jetën nga aksidenti trag...
Champions League vazhdon edhe sonte, kryendeshja në Spanjë
Obama befason turmën në mitingun e Harris, bën rap me këngën...