Hoti: Ambienti për biznes në vitin 2023 është përkeqësuar krahasur me vitin 2017

14:07 | 10 Dhjetor 2023
E.H

Deputeti i Lidhjes Demokratike të Kosovës, Avdullah Hoti ka thënë se ambienti për biznes në vitin 2023 është përkeqësuar sipas tij, në të gjitha aspektet krahasuar me vitin 2017.

Me anë të një postimi në Facebook, Hoti thotë se të gjithë treguesit, pa asnjë përjashtim, janë përkeqësuar, ndërsa thekson se migrimi i fuqisë punëtore ka dalë të jetë pengesa kryesore, përcjell Arbresh.info.

“Shqetësuese është përkeqësimi sa i përket shërbimeve të Administratës Tatimore dhe Administratës Doganore. Edhe perceptimi për korrupsionin është rritur. Qasja në kredi dhe kostoja e financimit është përkeqësuar gjithashtu. Sigurimi i lëndës së parë është bërë dukshëm më i vështirë. Interesant është e gjetura se qasja në informacion për ndërmarrjen gati është dyfishuar si pengesë”, ka shkruar ish-kryeministri i vendit.

Sipas tij, në këtë ambient për biznes, natyrshëm se rritja ekonomike bie në nivele shumë të ulëta./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm