Në vitin 2012 kur Fisnik Ismaili ishte arrestuar nga forcat e Policisë së Kosovës në Merdare.

Njëjtë ndodhi edhe në seancën e djeshme të 19 shkurtit kur tetë pjesëtar të sigurimit të Kuvendit tërhoqën zvarrë deputetin Ismaili, pas hedhjes së gazit lotsjellës brenda sallës së Kuvendit, raporton “Zëri.info”

Ky largim i dhunshëm është bërë pasi është marrë vendim që të përjashtoj nga seanca 9 deputetë të opozitës.

Por gjithë fajin, deputeti i “Vetëvendosjes” ia hodhi njërit prej drejtuesve të Policisë së Kosovës. Bëhet fjalë për kapitenin Bashkim Spahiun, për të cilin Ismaili tha se para katër viteve e kishte shkelur me dy këmbë në trup.

“Arsyeja është se ne jemi të përjashtuar nga seancat për veprimet tona. Ky është Bashkim Spahiu,i cili në 2012 në Merdarë më ka fut në veturë dhe më kërceu me dy këmbë. Nuk e di a e ka personale, mirëpo unë nuk e harroj kurrë atij njeri”, ka thënë ai.

Ndërkohë, pas përfundimit të seancës së djeshme, pjesëtar civil të Policisë së Kosovës kanë arrestuar deputetin e “Vetëvendosjes” me arsyetimin se ai bëri pengimin e personave zyrtar në Kuvend.