Hetohet për korrupsion, ndalohet gjyqtari Shkëlqim Miri

10:15 | 10 Nëntor 2017
Arbresh.info

Me urdhër të Prokurorisë së Krimeve të Rënda është ndaluar gjyqtari Shkëlqim Miri, i cili hetohet për akuzën e korrupsionit.

Sipas burimeve jozyrtare, gjyqtari Miri, ish anëtar i KLD-së është aktualisht gjyqtar i Gjykatës së Apelit Tiranë. Prokuroria ka njoftuar edhe KLD-në për këtë rast.

Ndërkaq, është bërë kontroll dhe në shtëpinë e Mirit ku i është gjetur një shumë e madhe parash.

Gjyqtari, thonë burimet, i ka ndryshuar akuzën nga vrasje, në plagosje të rëndë me dashje. Shtetasi i akuzuar quhet Gentian Doda, i ekstraduar kohë më parë nga Los Anxhelos, në Shtetet e Bashkuara të Amerikës.

Gjatë mbrëmjes së të enjtes, policia ka bërë kontrollin me urdhër të prokurorisë në banesën e gjyqtarit, në Tiranë dhe i janë gjetur rreth 300 milionë lekë të vjetra.

Pritet të ketë veprime të mëtejshme për gjyqtarin, i cili ka qenë anëtar i KLD-së deri në vitin 2012-të dhe më herët gjyqtar i Apelit në Durrës./Top Channel

Shpërndaje në rrjete sociale

Lajmet më të lexuara

Të ngjashme

Foto lajm