Deputeti i Lidhjes Demokratike të Kosovës, Avdullah Hoti ka reaguar pas vendimit të BE-së për liberalizimin e vizave për komunitetin serb në Kosovë, duke thënë se kjo nuk kontribuon për integrimin e këtij komuniteti në jetën institucionale.
Me anë të një postimi në Facebook, Hoti theksoi se kjo është goditje për Kosovën, përcjell Arbresh.info.
Postimi i plotë:
Vendimi i BE-së për liberalizim të vizave për pjesëtarët e komunitetit serb në Kosovë që mbajnë pasaporta të lëshuara ilegalisht nga Serbia nuk kontribuon në integrimin e këtij komuniteti në jetën institucionale, shoqërore dhe ekonomike në shtetin ku jetojnë, që është ndër qëllimet e dialogut.
Lidhur me këtë vendim të BE-së, pyetjet legjitime që duhet shtruar janë:
1. Përse BE-ja nuk i ka përfshirë këta qytetarë kur i ka liberalizuar vizat për Serbinë në dhjetor 2009 dhe për Kosovën në janar 2024?
2. Çfarë e shtyu BE-në të marrë këtë vendim, kur duhet se Kosova e ka statusin e vendit kandidat potencial për anëtarësim në BE?
Lidershipi i Kosovës ka shumë sqarime për të dhënë. Kjo është goditje për Kosovën./Arbresh.info
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...