Haziri: Përveç shëndetit publik, po punojmë edhe për ekonominë

21:57 | 9 Nëntor 2020
L G

Kryetari i Komunës së Gjilanit, Lutfi Haziri, thotë se krahas kujdesit për shëndetin publik në komunën që ai drejton po punojnë edhe për ekonominë.

Thotë se në Gjilan gjendja nuk është e mirë por e menaxhueshme.

Në këtë komunë janë 310 raste aktive me Covid-19.

Postimi i plotë :

Përveç shëndetit publik, në Gjilan po punojmë që ta ruajmë edhe shëndetin e ekonomisë. Pas rasteve të shumta në tri ditët e fundit, gjendja nuk është e mirë, por e menaxhueshme.

S’ka vend për panik, por për solidaritet e lojalitet të qytetarëve në vendime. Lajmi i mirë është që asnjë rast nuk është shënuar në shkolla e në objekte fetare. Ju lutem t’i bartni maskat, ta mbani distancën e higjienën personale.

Gjendja e përgjithshme e përballjes me pandeminë është si vijon: 1640 raste pozitive në total, 1272 të shëruar, 310 raste aktive, 39 në hospitalizim dhe 120 mostra në pritje!

Shpërndaje në rrjete sociale

Lajmet më të lexuara

Të ngjashme

Foto lajm