Kreu i Gjilanit dhe nënkryetari i LDK’së, Lutfi Haziri ka deklaruar se në Kosovë do të duhej të ishte shpallur gjendje e jashtëzakonshme, pas përhapjes së koronavirusit.
Haziri ka bërë thirrjen e njëjtë që ka bërë edhe ish’ministri Agim Veliu që pikërisht për këtë deklaratë u shkarkua nga kreu i qeverisë tash në detyrë Albin Kurti.
Mirëpo, Haziri thotë se për të vepruar njëjtë edhe me të, fillimisht duhet që të organizohet referendum popullor.
“Nuk ka bir nane që mundet mua me lëvizë. Mua më kanë zgjedhë qytetarët dhe duhet me referendum me më rrëzu mu”, ka thënë Haziri duke kujtuar pasojat që la shkarkimi i Veliut.
“Po ja që Agimi, u shkarkua, por me veti mori edhe krejt kabinetin”, ka thënë Haziri në Frontal.
Në këtë bisedë, Haziri ka folur edhe për përplasjet mes Vjosa Osmanit dhe Driton Selmanajt, duke i dhënë të drejtë kryetares së Kuvendit të Kosovës.
“Duhet mu mësu me udhëheqjen nga ana e Vjosës. Ajo më lehtë e ka pasur te tregoj rregulla përmes një deputeti të LDK-së sesa të një partie tjetër”, ka thënë Haziri.
Osmani, siç ka thënë Haziri, nuk do të lejojë që në kuvend të ndodhin gjëra siç kanë ndodhur në kohën e Kadri Veselit.
“Ka të bëjë me menaxhimin e seancës nga një kryetare që nuk toleron si kryetari i mëhershëm për të krijuar skena komike e nganjëherë edhe tragjike”, ka thënë Haziri.
Avokatja e Shalës: Edhe pas dy muajsh aktgjykimi mbetet konf...
Ramadani në mesin e lojtarëve që ka vrapuar më së shumti në ...
Rusia paralajmëron “pasoja katastrofike” nëse Perëndimi dhe ...
“Me asnjë vend tjetër”, Rama: Marrëveshja për emigrantët ësh...
Plagoset një person në Mitrovicë
Trump: Zgjedhjet në SHBA, ndër më të rëndësishmet në histori...