Google ADS

Haziri: Dialogu e vetmja rrugë në zgjidhjen e problemit me Serbinë

00:16 | 17 Maj 2021
Trina Galanxhi

Nënkryetari i Lidhjes Demokratike të Kosovës, Lutfi Haziri ka thënë se dialogu është e vetmja rrugë të cilën Kosova duhet ta ndjek në zgjidhjen e problemit me Serbinë.

“Dialogu është e vetmja rrugë të cilën Kosova duhet ta shoh në zgjidhjen e problemit me Serbinë. Ne shpresojmë që të zbatohen detyrat kushtetuese nga bartësit e institucioneve të shtetit, por LDK do të jetë gardian i Republikës”, ka shkruar Haziri në një postim në Facebook.

Më tej, Haziri ka thënë se “17 shkurti i 2008 dhe rilindja e kësaj Republike neve na bënë të obligueshëm që me i mbyllë çështjet e hapura dhe e vetmja çështje e hapur në regjion është ajo me Serbinë dhe integrimi i Kosovës me institucionet ndërkombëtare, që përfshinë edhe ato evropiane dhe OKB-në si institucion më i lartë”.

“Deri aty duhet unitet dhe duhet të gjendet formula dhe njeriu i cili mund t’i bashkojë forcat politike, shumicën e madhe politike, edhe minoritetet pse jo, sepse Kosova është e të gjithëve”, ka shkruar Haziri.

Shpërndaje në rrjete sociale

Lajmet më të lexuara

Të ngjashme

Foto lajm