Ministrja e Drejtësisë, Albulena Haxhiu ka përkujtuar heroin e Kosovës, Afrim Bunjakun në njëvjetorin e rënies së tij.
Haxhiu tha se Afrim Bunjaku qëndroi i palëkundur përballë terroristëve serb, duke treguar trimëri dhe përkushtim për atdheun dhe popullin tonë.
Ministrja tha se sakrifica e tij nuk do të harrohet kurrë, dhe se vepra e tij do të mbetet e skalitur në historinë e Kosovës, shkruan Arbresh.info
Postimi i plotë i ministres Haxhiu:
Me plot krenari, nderojmë sot heroin tonë Afrim Bunjaku, i cili dha jetën e tij në mbrojtje të sovranitetit dhe integritetit të Republikës së Kosovës. Afrim Bunjaku qëndroi i palëkundur përballë terroristëve serb, duke treguar trimëri dhe përkushtim për atdheun dhe popullin tonë.
Sot, ne përkulemi me nderim përpara kujtimit të tij, duke e parë Afrim Bunjakun si shembull të vlerave më të larta të forcave të rendit dhe të çdo qytetari që ka në zemër lirinë dhe paqen e këtij vendi.
Sakrifica e tij nuk do të harrohet kurrë. Vepra e tij do të mbetet e skalitur në historinë e Kosovës, si dëshmi e trimërisë dhe përkushtimit në mbrojtjen e sovranitetit të shtetit tonë. Afrim Bunjaku është dhe do të mbetet përgjithmonë një hero kombëtar.
Rusia: Do të arrijmë të gjitha qëllimet në Ukrainë
Në zonën 40 km/h voziti 122 k/h, gjobitet ngasësi me 400 eur...
Kurti vizitoi vendin e rënies së Heroit, përurohet emërtimi ...
79-vjeçari nga Ferizaj gjen një portofol me para – e dorëzon...
Njëvjetori i vrasjes së Afrim Bunjakut, Kearns: Radoiçiq dhe...
Vazhdon periudha për aplikim të subjekteve politike për cert...