Haxhiu takon homologun danez, flasin për marrëveshjen e qelive

14:00 | 10 Mars 2022
V. S.

Ministrja e Drejtësisë, Albulena Haxhiu, ka pritur në takim homologun e saj danez, Nick Hækkerup.

Ajo i ka shprehur mirënjohje për bashkëpunimin korrekt të Mbretërisë së Danimarkës, duke i cilësuar si aleat tejet të vlefshëm, veçmas për gatishmërinë e tyre për të ndihmuar Ksoovën në fushën e drejtësisë penale.

Palët konfirmuan përparimin në negociatat për arritjen e marrëveshjes përfundimtare për transferimin e të dënuarve nga Danimarka në Kosovë e cila pritet të nënshkruhet dhe të ratifikohet në Kuvend gjatë këtij viti.

Partneriteti i tillë, në mes të Kosovës dhe Danimarkës, ishte pjesë e këtij diskutimi, me ç’ rast nga të dy anët u shpreh vullnet për të bashkëpunuar për interesat e qytetarëve të të dy palëve, në zhvillimin dhe avancimin edhe për interesa tjera vitale.

Partneriteti i fuqishëm në sektorin e drejtësisë, investimet e rëndësishme në fushën e energjisë, janë garanci për zgjerim të bashkëpunimit edhe në fushat tjera./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm