Google ADS

Haxhiu: Qeverisja jonë e pa kompromis në luftën kundër korrupsionit

10:28 | 31 Janar 2023
A. B.

Ministrja e Drejtësisë, Albulena Haxhiu i është gëzuar raportit të Transparency International ku Kosova nga 180 është renditur në vendin e 81-të për perceptimin e korrupsionit publik.

Postimi i saj i plotë pa ndërhyrje:

“Për vitin e dytë radhazi Transparency International e renditë Kosovën si një shtet me progres në luftën kundër korrupsionit. Indeksi i perceptimit të korrupsionit i publikuar sot për mbi 180 shtete në mbarë botën e vendosi Republikën tonë në vendin e 84 me 41 pikë, rezultati më i mirë i arritur ndonjëherë.

Qeverisja jonë me duar të pastra, pa tender të fiksuar më parë, pa nepotizëm, pa ndërhyrje në sistemin e drejtësisë reflektohet në këtë indeks global por edhe në raporte të tjera ndërkombëtare.

Ne u gëzohemi raporteve e indekseve globale që vendosin Kosovën lartë. Ky është motiv shtesë për angazhimin e secilit në rrugën e pa kompromis në luftën kundër korrupsionit”, ka shkruar Haxhiu. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm