Google ADS

Haxhiu priti në takim lamtumirës shefen e zyrës së UNICEF-it, e falënderon për bashkëpunimin

14:19 | 4 Prill 2024
E.G

Ministrja e Drejtësisë, Albulena Haxhiu ka pritur sot në takim lamtumirës shefen e zyrës së UNICEF-it në Kosovë, Nona Zicherman, e cila po përfundon misionin e saj në Republikën e Kosovës.

Sipas njoftimit të ministrisë, në takim, Haxhiu shprehu falënderimin e saj për bashkëpunimin si dhe e vlerësoi lartë punën e UNICEF-it si partner afatgjatë i Kosovës për arritjen e objektivave për zhvillim të qëndrueshëm, shkruan Arbresh.info.

Haxhiu foli për planet e Ministrisë dhe Qeverisë në raport me fuqizimin e shërbimeve sociale dhe familjare e që ndërlidhen me finalizimin e akteve nënligjore që dalin nga Ligji për Shërbime Sociale dhe Familjare dhe mbështetja për organizatat që merren me çështje sociale dhe familjare.

Në fund, ajo tha se Republika e Kosovës do të vazhdojë të fuqizojë bashkëpunimin me misionin e UNICEF-it për projektet të ndryshme që kanë të bëjnë me rininë, të drejtat e fëmijëve, shëndetin dhe mbrojtjen sociale./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm