Komisioni Hetimor Parlamentar në lidhje me rastet e dhunës seksuale dhe dhunës në familje, të hënën është takuar me ministren e Drejtësisë, Albulena Haxhiu.
Temë diskutimi ishin çështjet e dhunës në familje dhe dhunës seksuale, shikuar nga këndi i këtij dikasteri.
Kryesuesi i këtij Komisioni, Alban Bajrami, tha se Kosova është vendi i parë që e ka votuar Konventën e Stambollit dhe se po e trajtojnë me prioritet parandalimin e dhunës në familje dhe dhunës seksuale.Për këtë temë, më gjatë foli ministrja Albulena Haxhiu.
Ajo tha se me marrjen e mandatit, parandalimi i kësaj dukurie është bërë prioritet. Theks të veçantë tha se i kanë dhënë miratimit të akteve nënligjore, me ç’rast është edhe ofrimi i ndihmës juridike falas.Madje tha se për ata prokurorë e gjyqtarë që nuk i kanë kryer detyrat do ketë një vlerësim të qartë.
“Në momentin që është themeluar komisioni e kam mirëpritur sepse e konsideroj të rëndësishme trajtimin e këtyre çështjeve. Që nga momenti që kam pranuar punën, çështja e dhunës në familje është bërë prioritet. Për këtë qëllim e kemi miratuar strategjinë nacionale kundër dhunës seksuale dhe po ashtu ne kemi miratimit një sërë aktesh nënligjore. Ndër to janë ofrimi i ndihmës juridike falas”.
“Gjatë këtij viti kemi ndarë buxhet për strehimoret dhe këtë vit kemi ndarë rreth 900 mijë euro dhe është buxheti më i madh për këto strehimore. Ndërsa 1.5 milionë janë ndarë për subvencione për organizatat që merre me parandalimin e kësaj dukurie”, u shpreh Haxhiu.
“Deri tani nuk kemi parë veprime ndaj prokurorëve e gjyqtarëve të kenë marr veprime disiplinore. Do ta kemi një pasqyrë të qartë se kush nuk i ka kryer detyrat dhe kush është dashur të bëjë më shumë”, u shpreh Haxhiu.
E deputetja Duda Balje, kërkoi të di për dështimin e sistemit në parandalimin e rasteve të dhunës në familje. E ministrja Haxhiu, dha dy çështje që sipas saj, ndodhin këto raste.
“Mendoj që problemet kryesore për këtë çështje janë mungesa e zhvillimit ekonomik dhe mentaliteti patriarkal. Mendoj që rastet e dhunës ka më shumë se sa që raportohet”.
“Unë them se nuk është e rëndësishme vetëm të raportohet dhe se ka raste kur raportohet, por nuk ndërmerren masa”, u shpreh Haxhiu, teksa kritikoi institucionet e drejtësisë për siç tha lirimin e dhunuesve dhe shqiptimin e masës me lirim në procedurë të rregullt.
“E keni rastin e Hamide Magashit, i cili u lirua në procedural të rregullt dhe nga dhunues u rikthye në vrasës”, tha tutje Haxhiu./eo
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...