Ministrja e Drejtësisë, Albulena Haxhiu, përmes një shkrimi në rrjetin social Facebook ka komentuar Raportin e BE-së për Kosovën, i publikuar të mërkurën, ku thotë se, për dallim prej viteve të tjera, ndërhyrjet politike në sistemin e drejtësisë nuk janë kritikuar në raportin e sivjetëm.
“Kjo është shumë e rëndësishme për ne si Qeveri dhe për Kosovën dhe të ardhmen e saj”, tha Haxhiu.
Megjithatë, ajo ka theksuar se sistemi i drejtësisë në përgjithësi nuk ‘shpëtoi’ pa kritika.
“Raporti evidenton ngecje në sistemin e drejtësisë sidomos me funksionimin e ngadaltë dhe me mungesën e rezultateve te rastet e korrupsionit të lartë”, shkroi Haxhiu.
Ndër të tjera Haxhiu ka folur edhe për reformat e nisura, të cilat ajo thotë se do të garantojnë funksionimin efikas të sistemit të drejtësisë.
“Reformat që kemi nisur, do të garantojnë sistem të pavarur, efikas e funksional të drejtësisë. Ndryshimet ligjore që i kemi bërë dhe mekanizmat që do të themelohen do të garantojnë luftim të korrupsionit e krimit të organizuar. Kosova po bëhet shtet i së drejtës dhe me institucione që do të gëzojnë besimin e qytetarëve”, tha Haxhiu./arbresh.info/
Policia shqiptoi mbi 2200 gjoba brenda 24 orëve në Kosovë
26-vjetori i rënies, Osmani kujton Xhevë dhe Fehmi Lladrovci...
Hasani ne New York: Përsërita angazhimin e Shqipërisë për fu...
Vrasja në Mitrovicë/ Policia kontrollon banesën e të dyshuar...
“Kërkesa e Vuçiqit për kthim të veriut në “gjendjen e mëpar...
Lamine Yamal aktualisht më shumë paguhet nga Adidas se nga B...