Deputeti i Partisë Demokratike të Kosovës, Bekim Haxhiu, u ka kërkuar deputetëve që të mos e votojnë buxhetin e ndarë për vitin 2023.
“Nuk udhëhiqet vendi me rrenat e Nastradinit, rune dinjitetin e deputetit, mos e votoni këtë buxhet që e shpërngul Kosovën jashtë, mos e votoni këtë buxhet që nuk premton zhvillim ekonomik, këtë buxhet që nuk i rrit pagat për mjekët, policët e të tjerët, se vetëm keni me ia zgjatë jetën këtyre Nastradinave”, ka thënë Haxhiu në seancën e sotme të kuvendit.
Sipas Haxhiut, për herë të parë ndodh që buxheti i Kosovës të arrijë në 3.2 miliardë dhe varfëria të jetë në shkallën më të lartë që nga paslufta.
“Sot kemi ardhur në një situatë kur edhe opozita e kërkon një rritje të pagave, edhe FMN-ja e kërkon dhe vetëm qeveria nuk vepron”, ka shtuar ai.
Ai tha se popullsia e Kosovës po zvogëlohet për shkak të dëshpërimit dhe mosmbështetjes së qeverisë.
“Kur bota shënoi 8 miliardë banorë, kur bota po shtohet, Kosova po zvogëlohet për shkak të dëshpërimit dhe mosmbështetjes së qeverisë dhe për shkak të korrupsionit e nepotizmit që vazhdon të lulëzojë në këtë qeveri”.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...