Haxhiu: Kushtetuesja dhe Prokuroria të merren me Thaçin

15:56 | 31 Mars 2018
Arbresh.info

Deputetja e VV-së, Albulena Haxhiu, ka kërkuar nga Kushtetuesja dhe Prokuroria të merren me presidentin Hashim Thaçin, i cili tha se kjo parti financohet nga Irani dhe ka lidhje me Rusinë, shkruan arbresh.info.

Haxhiu, përmes në postimi në profilin e tij në facebook ka shkruar se akuzat e shpifjet e ulëta ndaj Lëvizjes dhe Albinit kanë për qëllim shpërqendrimin e vëmendjes nga skandalet e shkeljet e mëdha në të cilat është zhytur.

Postimi i plotë i Haxhiut:

“Në vend të dorëheqjes, Thaçi paska folur sot në konferencë para gazetarëve!

Dukej në siklet të madh. Është e qartë, ai njëri përbën rrezik të madh për vendin!

Akuzat e shpifjet e ulëta ndaj Lëvizjes dhe Albinit kanë për qëllim shpërqendrimin e vëmendjes nga skandalet e shkeljet e mëdha në të cilat është zhytur!

Kushtetuesja dhe Prokuroria do të duhej të merreshin me të!”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm