Haxhiu: Këshilli Prokurorial është në gjendjen më të keqe, sepse janë të interesuar të bëjnë pazare

23:23 | 27 Shkurt 2024
E.G

Ministrja e Drejtësisë, Albulena Haxhiu tha se Këshilli Prokurorial është në gjendjen më të keqe, sepse sipas saj, janë të interesuar të bëjnë pazare.

“Këshilli Prokurorial është në gjendjen më të keqe, më të rëndë ndonjëherë dhe nuk shihet një dritë, si me thënë në fund të tunelit, që do të reformohen vetë, sepse janë të interesuar me bo pazare. Për shembull, Këshilli Gjyqësor megjithatë është duke u përpjekur që të ndërmerr veprimin në përputhje me përgjegjësitë”, tha Haxhiu.

Ajo tha se, nëse nuk ndërmerren masa disiplinore ndaj prokurorëve, gjendja në sistemin e drejtësisë do të rëndohet.

“Në qoftë se Prokuroria, sistemi Prokurorial nuk është nën nivel të detyrës dhe prokurorët në Republikën e Kosovës nuk i adresojnë përgjegjësitë e tyre dhe në anën tjetër, Këshilli Prokurorial, mekanizmat e brendshëm nuk marrim masa disiplinore ndaj prokurorëve që nuk e kryejnë detyrën, atëherë gjendja do të rëndohet”, tha Haxhiu. /atvlive.tv

Shpërndaje në rrjete sociale

Lajmet më të lexuara

Të ngjashme

Foto lajm