Google ADS

Haxhiu kërkon dorëheqjen e kryeprokurorit të Prokurorisë Themelore në Prishtinë për neglizhencë në rastin e 11 vjeçares

12:00 | 3 Shtator 2022
L G

Ministrja e Drejtësisë, Albulena Haxhiu ka reaguar pasi janë arrestuar edhe gjashtë persona për rastin e 11-vjeçares, të cilët dyshohen se e trafikuan atë gjatë muajit qershor.

Haxhiu ka kërkuar dorëheqjen e kryeprokurorit të Prokurorisë themelore në Prishtinë.

“Pse nuk vepronte Prokuroria Themelore në Prishtinë në muajin qershor? Pse nuk u arrestuan asokohe personat e dyshuar? Pse dy muaj me vonesë? Më e pakta që do të duhej të ndodhte është dorëheqja e kryeprokurorit të Prokurorisë Themelore në Prishtinë dhe prokurorit që ka qenë i ngarkuar ne rastin në muajin qershor”, shkruan Haxhiu.

Ministrja e Drejtësisë shkruan se pa pasur dorëheqje dhe shkarkime të atyre që nuk vepruan në kohë dhe sipas përgjegjësisë, fatkeqësisht mund të kemi viktima të tjera.

Ndryshe, 11-vjeçarja dyshohet se u dhunua përsëri ditë më parë, nga 5 persona tjerë që po ashtu janë në paraburgim./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm