Pa arritjen e një marrëveshjeje për bashkëqeverisje ka përfunduar takimi i sotëm i krerëve të Lëvizjes Vetëvendosja dhe Lidhjes Demokratike të Kosovës, Albin Kurti dhe Isa Mustafa, por askush nga zyrtarët e pranishëm në takim nga subjektet politike nuk ka dalë të flasë para gazetarëve, që po prisnin epilogun para ndërtesës së Kuvendit të Kosovës, ku u mbajt takimi.
E pranishme në takimin e sontëm të liderëve të dy subjekteve politike, ka qenë edhe anëtarja e kryesisë së LVV, Albulena Haxhiu.
Në një prononcim për Abc News ajo tha se “takimi ka përfunduar pa marrëveshje, ndërsa u ra dakord që të vijohet me negociatat”.
“Siç e dini ka patur një takim mes LVV-LDK por ende nuk ka një marrëveshje për t’u njoftuar në publik. Në këto kushte, mbetet që të shihemi sërish”, tha ajo.
Takimi nisi sot pasdite në Kuvend rreth 16:30 dhe përfundoi rreth orës 19:00.
Kjo është java e fundit që ka në dispozicion Albin Kurti për të krijuar qeverinë e re në Kosovë pas zgjedhjeve parlamentare.
Për të parë videon e prononcimit të Haxhiut klikoni KËTU
Lideri suprem i Iranit thotë se Hamasi do të mbijetojë, pava...
“Tronditet” Serbia: “Hakohet” një billbord në Valevë – shqip...
Një ditë para Maratonës, Veliaj: Tirana të jetë një kartolin...
Franca premton mbështetje për planin e Ukrainës për t’i dhën...
Haradinaj takohet me diasporën shqiptare në Çikago: Secili p...
Pak kohë pas pensionimit nga futbolli, Varane merr një punë ...