Ministrja e Drejtësisë, Albulena Haxhiu ka nënshkruar memorandum bashkëpunimi me ministren e Industrisë, Ndërmarrësisë dhe Tregtisë, Rozeta Hajdari.
Sipas njoftimit, ky memorandum ka për qëllim qasjen e noterëve në të dhënat e Agjencisë për Regjistrimin e Bizneseve të Kosovës përmes digjitalizimit të sistemit noterial, shkruan Arbresh.info.
“Ky memorandum i bashkëpunimit, i cili ka për qëllim mundësimin e qasjes së noterëve në të dhënat e Agjencisë për Regjistrimin e Bizneseve të Kosovës përmes sistemit digjital, u nënshkrua pas atij me Ministrinë e Punëve të Brendshme për qasjen në të dhënat e Agjencisë së Regjistrimit Civil, ndërsa do të pasohet me memorandumin tjetër me Ministrinë e Mjedisit, Planifikimit Hapësinor dhe Infrastrukturës për qasjen në të dhënat e Agjencisë Kadastrale të Kosovës.”, thuhet në njoftimin e Ministrisë në Facebook.
Ndër të tjera në njoftim thuhet se “me këto memorandume bëhet përcaktimi i procedurave për shkëmbimin e të dhënave, përcaktimi i rregullave të sigurisë, procedurave përkatëse për qasje dhe përdorim të të dhënave, si dhe krijimi i lehtësirave të nevojshme administrative për bashkëpunim ndërinstitucional në mes të institucioneve respektive me qëllim të rritjes së efikasitetit dhe efektivitetit të shërbimit të noterisë.”
Sipas Ministrisë, digjitalizimi i sistemit noterial në Kosovë do të mundësojë harmonizimin e të gjitha procedurave të të brendshme në një sistem të centralizuar e të ndërlidhur që mundëson qasje më të lehtë në shërbime, informata të sakta e të verifikuara në kohë reale./Arbresh.info
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite