Haxhi Avdyli: S’ka zgjedhje, sot e votojmë Vjosën për presidente

06:53 | 3 Prill 2021
Trina Galanxhi

Deputeti të listës së Vjosa Osmanit, Haxhi Avdyli, ka përjashtuar mundësinë që vendi të shkoj në zgjedhje të shpejta.

Avdyli në Facebook ka shkruar se zgjedhjet në Kosovë do të mbahen pas 4 vitesh.

“E riamendamentojmë Ligjin për zgjedhjet, e nesër (sot) e votojmë Vjosën për Presidente. S’ka zgjedhje, krijohet stabiliteti institucional. Opozita konsolidohet, Qeveria vazhdon punën. Zgjedhjet bëhen pas 4 vitesh , me reformë të thellë zgjedhore. Kaq”, ka shkruar Haxhi Avdyli.

Ndryshe sot qeveria ka miratuar ndryshimet në Ligjin për zgjedhjet e përgjithshme.

Kryeministri Albin Kurti, tha se ndryshimet në këtë ligj iu mundësohet qytetarëve që jetojnë jashtë vendit, të mund të votojnë në ambasadat dhe konsullatat që Kosova ka nëpër botë.

Ndaj këtij vendimi ka reaguar opozita e cila ka paralajmëruar shkuarje në zgjedhje nëse ndryshimet e tilla nuk tërhiqen nga Kurti.

Shpërndaje në rrjete sociale

Lajmet më të lexuara

Të ngjashme

Foto lajm